الثلاثاء، ١٧ أبريل ٢٠٠٧

حكايتي مع الشيخ أبو اسحاق الحويني

أنا أول مره أسمع الشيخ ابو اسحاق الحويني هو
شريط ليله في بيت النبي
بس ماكنتش عارفه كويس وأتعرفت عليه أكتر في حلقة فديو الرد علي مفتي الفنانات وكنت وقتها مغرم بالأستاذ عمرو خالد وببرامجه وكنت معجب بأنه شيخ ببدله وحالق دقنه كنت ساعتها معجب جدا بالأستاذ عمرو خالد وبعد كده طبيعي جدا كرهت الشيخ ابو أسحاق الحويني وده بجد مشاعري ساعتها
كرهته قبل ما أحبه أساسا
وكنت كل لما أسمع أسمه بتضايق وكنت بجادل مع أصحابي في أن الأستاذ عمرو خالد كويس والشيخ أبو اسحاق ما كنتش بايده خالص ساعتها
وكان صديق عزيز علي كان بيقولي أنت ما تعرفش الشيخ أبو أسحاق طب أسمعله أي حاجه غير الفديو وأنا ما بسمعش كلامه خالص
حتي أتت علي فتره كده ما أعرفش ايه اللي خلاني أقرأ قصة حياته
هو شاب كان معيد في كلية الألسن جامعة عين شمس يعني كان طالب متفوق جدا علميا معيد وفي جامعة عين شمس
وبعدين سمعت وأتاكدت أن الشيخ الألباني وصي بالشيخ الحويني قبل ما يموت لما سئل عمن يخلفه في المنهج العلمي فبدأ بالشيخ مقبل بن هادي ثم بالحويني
وبعد كده بدأت اسمعله ولقيته أثناء دروسه لاحظت أنه راجل مثقف جدا وبيقرأ علي طول ومساير أحداث العالم

المهم في النهايه أنا بقول للناس الشيخ أبو اسحاق الحويني هو
محدث الديار المصريه
وبقول لأي حد أتفتن بكلام الشيخ الحويني علي الأستاذ عمرو خالد زي ما انا أتفتنت بقوله الشيخ الحويني ما غلطش في كلمه علي الأستاذ عمرو خالد ولكنه قال عنه رأيه كعالم وده واجب عليه

هناك ٧ تعليقات:

عبدالرحمن يقول...

السلام عليكم ورحمة الله وبركاته
ياسلام عليك ياثابت وعلى مواضيعك الجامدة
فضيلة الشيخ أبو اسحاق الحويني
محدث الديار المصرية
ربنا يباركلنا في عمره ويمتعنا بطول حياته
وبالنسبة للأستاذ عمرو خالد فبيتهيألي المواضيع خلاص بقت واضحة أوي ومحدش بيعاند إلا واحد بيكابر
وربنا يهدي الأستاذ عمرو خالد

mohammad_osama يقول...

assalamo 3alykom
7abibi fellah mohammad thabet el maqal bta3ak gamed geddan
ta2reban afdal maqal 2areto fe blog l7add el wa2ti
rabbina yegazek 3anno 7'er
w yegma3na da2eman feddonya 3ala ta3ateh wa fe al a7'era fe gannateh
a7'ok fellah
mohammad osama

أبوعامرالديب يقول...

السلام عليكم ورحمة الله وبركاته

محدث الديار المصرية فضيلة الشيخ أبي إسحاق الحويني الأثري أحد أحب الدعاة إلي قلبي إن لم يكن أحبهم وأحد أجل العلماء في نظري إن لم يكن أجلهم.
جزاه الله خيرا

وجزاك الله خير يا محمد وثبتك علي الحق

أحمد عماد يقول...

جزاك الله خيرا يا ثابت على موضوعك الرائع
الكلام عن الأحبة ما أحلاه خصوصا لو كان ذلك الحب في الله
الشيخ أبو إسحاق الحويني مثال لعلو الهمة في كل شئ ومثال للفهم الثاقب والبصيرة النافذة
وهو من الرجال الذين كانو خير خلف لخير سلف
وأخشى أن نأتي من بعدهم فينطبق علينا قول الله فخلف من بعدهم خلف أضاعوا الصلاة واتبعوا الشهوات

Mostafa Salem. يقول...

السلام عليكم
بارك الله فيك يا محمد و ربنا يكرمك
انا مش عارف اقول حاجة تانى اجمل من كلام احمد و محمد و عبد الرحمان
و بارك الله فيكم

ozzag يقول...

السلام عليكم و رحمة الله و بركاته
ما شاء الله وصفك دقيق قوى للشيح ابو اسحق ... جزاك الله خير
لكن اللى اسعدنى اكتر انى كنت بدور على النت عن معلومات عن الشيح ابو اسحق الحوينى و كان لينك البلوج بتاعك اول حاجه ظهرت ...
جزاك الله خير

Mohammed Elshall يقول...

As-Salam Alaikum wa Rahamat Allah wa barakatoh
Gazak ALLAH Khayran
ya rab yesabetna wa eyaakom 3ala el 7a2